“Azərbaycan Televiziya və Radio Verilişləri” QSC-nin sədri Rövşən Məmmədov ölkə başçısı İlham Əliyev tərəfindən təltif edilib.
Pressa xəbər verir ki, Azərbaycan Respublikasının Prezidenti İlham Əliyevin 2024-cü il 2 fevral tarixli, 4289 nömrəli Sərəncamı ilə Rövşən Məmmədov “Heydər Əliyevin 100 illiyi (1923-2023)” yubiley medalı ilə təltif edilib.
Rövşən Məmmədov təltiflə bağlı ölkə başçısına minnətdarlıq edib:
"Azərbaycan Respublikasının Prezidenti cənab İlham Əliyevin imzaladığı müvafiq sərəncama əsasən Ümummilli Lider “Heydər Əliyevin 100 illiyi (1923-2023)” yubiley medalı ilə təltif olunanlar arasında olmaq şərəfli və qürurludur. Göstərilən yüksək diqqətə görə Prezident, Ali Baş Komandan cənab İlham Əliyevə minnətdarlığımı bildirirəm. Ulu öndər hər zaman qəlbimizdədir".
