Rusiyada məşhurlaşan azərbaycanlı müğənni Navai (Nəvai Bəkirov) Moskvada “Crocus City Hall” ticarət mərkəzində silahlı insident zamanı əziyyət çəkənlərə maddi yardım edib.
Pressa xəbər verir ki, sənətçi Rusiya Qırmızı Xaç Cəmiyyətinə 1 milyon rubl (18451manat) ianə edib. Bu haqda ifaçı sosial şəbəkə hesabında bölüşüb.
Navai izləyicilərini də yardım etməyə çağırıb.
Qeyd edək ki, iş adamı Araz Ağalarova aid olan mərkəzdə törədilən terror aktı nəticəsində 133 nəfər həlak olub, 107 nəfər xəsarət alıb.
