“WhatsApp” messenceri istifadəçilərinə öz stikerlərini yaratmağa imkan verib. Yeni funksiya tətbiqin beta versiyasında meydana çıxıb və tezliklə bütün istifadəçilər üçün əlçatan olacaq.
Onun sayəsində istifadəçilər ixtiyarında olan bütün şəkillərdən stikerlər yarada biləcək. Hazırda bu funksiya yalnız fərdi kompüterlərdəki “WhatsApp” proqramlarında çalışır. Messencerdə şəkli fondan ayırmağa, kəsməyə və ya çevirməyə imkan verən tam formatlı redaktor tətbiq olunub.
Yeniliyin əvvəlcə Android istifadəçiləri, daha sonra isə iPhone sahibləri üçün əlçatan olacağı gözlənilir.