Azərbaycan Gənc Müəllimlər Assosiasiyası və Bursa Azərbaycan Həmrəylik və İnnovasiya Dərnəyinin (Bursa Azerbaycan İnovasyon və Dayanışma Derneği)birgə təşkilatçılığı, Bursa Şəhər Milli Təhsil İdarəsi (Bursa Il Milli Eğitim Müdürlüğü), Bursa Böyükşəhər Bələdiyyəsi (Bursa Büyükşehir Belediyesi) və Birlik Vəqfi Bursa Şöbəsinin (Birlik Vakfı Bursa Şubesi) təşkilatı dəstəyi ilə həyata keçirilən “Azərbaycan-Türkiyə Müəllimlərinin Yay Düşərgəsi”ndə gənc müəllimlər üçün forum keçirildi.
Forumda “Təhsil sisteminin informasiyalaşdırılması”, "İstedadlı uşaqları kəşf etmək”, “Müəllimin inkişaf xəritəsi” mövzularında çıxışlar oldu.
Müəllimlər spikerlərə onları maraqlandıran sualları ünvanladılar.
Sonda iştirakçılara sertifikat verildi.