Sumqayıt şəhər İsmət Qayıbov adına 1 saylı tam orta məktəbin 3ç sinfində Zəfər Gününə həsr olunmuş tədbir keçirilib.
Pressa xəbər verir ki, öncə Azərbaycan Respublikasının Dövlət himni səsləndirilib. Sonra canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin müqəddəs ruhları bir dəqiqəlik sükutla yad edilib, Azərbaycanın tarixinə qızıl hərflərlə yazılmış Zəfər Günü barədə şagirdlərə ətraflı məlumat verilib. Vətən Müharibəsində qabaqcıl hərbi texnika və texnologiyalardan məharətlə istifadə edən Azərbaycan Ordusunun dünya hərb tarixində yeni səhifə yazması barədə söhbət açılıb. Möhtəşəm qalibiyyətin əldə edilməsində müasir hərbi biliklərə və döyüş bacarıqlarına sahib, qəhrəman Azərbaycan əsgər və zabitlərinin mühüm pay sahibi olduğu diqqətə çatdırılıb.
Vətənpərvərlik ruhunda keçirilən tədbirdə şagirdlər milli ruhda musiqilər ifa edib, müxtəlif rəqs nömrələri nümayiş etdiriblər.
Bununla yanaşı, şagirdlər "Dəmir yumruq" adlı silsilə şeirlər söyləyiblər.
Daha sonra sinif rəhbəri Zülfiyyə Məmmədovanın təşəbbüsü ilə Şəhid ailəsi ilə görüşdə iştirak ediblər.
