KXDR-də son sutkada daha 263 000 nəfərdə qızdırma əlamətləri aşkar edilib.
Pressa-nın Yonhap agentliyinə istinadla xəbərinə görə, ayın əvvəlindən bu simptoma yoluxanların sayı 1,97 milyon nəfərdir.Yoluxanlardan 1,23 milyon nəfər sağalıb, təxminən 740 min nəfər müalicə olunur. Ötən sutkada 1 nəfər vəfat edib və ölənlərin sayı 63 nəfərə çatıb.
Yonhap agentliyi bildirir ki, kütləvi Covid-19 testi götürmək mümkün olmadığı üçün yalnız simptomlu xəstələr uçota alınır.