Bütün bu tarixi layihələr bir də onu göstərir ki, bizim dövlətilərimiz nə qədər bir-birinə bağlıdır, bir-birinə yaxındır.
Pressa xəbər verir ki, bunu Prezident İlham Əliyev Naxçıvanda səfərdə olan Türkiyə Prezidenti Rəcəb Tayyib Ərdoğanla mətbuata birgə bəyanatı zamanı deyib.
“Bir-birimizə dəstək verməklə biz eyni zamanda, bölgəsəl məsələləri də düz istiqamətə yönəldirik. Yəni bizim müştərək maraqlarımız, çıxarlarımız ondan ibarətdir ki, bölgədə sülh, barış, əmin-amanlıq olsun. Müharibələr olmasın, ölkələrin ərazi bütövlüyü təmin edilsin və Azərbaycana göstərdiyiniz dəstək – həm İkinci Qarabağ müharibəsi zamanı, həm ondan əvvəl, həm ondan sonra – məhz bu məqsədə çatmaq üçün önəmli amildir, önəmli faktordur”, - Prezident vurğulayıb.