2021/22-ci dərs ilinin əvvəlində Gürcüstanın ali təhsil müəssisələrində 903 Azərbaycan vətəndaşı olan tələbə qeydə alınıb.
Pressa-nın Tbilisi müxbiri xəbər verir ki, bu barədə Gürcüstan Milli Statistika İdarəsinin hesabatında qeydə alınıb. Bildirilib ki, bunlardan 660-ı kişi, 243 isə qadındır. Gürcüstanda təhsil alan Azərbaycan vətəndaşlarının əksəriyyəti özəl ali təhsil müəssisələrində qeydiyyatdan keçiblər. Belə ki, onlardan 546-sı özəl, 357-si isə dövlət ali təhsil məktəblərində qeydiyyata alınıblar.
2020-2021-ci tədris ilində isə Gürcüstanın ali təhsil müəssisələrində 901 Azərbaycan vətəndaşı təhsil alıb.