Əkinçilik ET İnsitutunda Xocalı soyqırımı qurbanları anılıb

    ÖLKƏ

    26 Fevral 2024 | 17:00

    Kənd Təsərrüfatı Nazirliyinin Əkinçilik Elmi-Tədqiqat İnstitutunda “Xocalı 32” adlı anım tədbiri keçirilib. Öncə vətən uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib. 

    Pressa xəbər verir ki, tədbirdə institutun direktor müavini Sevinc Məmmədova çıxış edərək bildirib ki, XX əsrin ən dəhşətli faciələrindən biri, bəşəriyyətə və insanlığa qarşı törədilmiş ağır cinayət olan Xocalı soyqırımından 32 il ötür. Buna baxmayaraq, Xocalı faciəsinin ağrı və acısı hələ də qəlbimizdə yaşayır. S. Məmmədova erməni millətçilərinin keçmiş SSRİ-nin 366-cı motoatıcı alayının köməyilə 1992-ci il fevralın 25-dən 26-na keçən gecə Xocalıda törətdikləri qırğının acı nəticələrindən danışıb. O bildirib ki, ermənilərin Xocalıda törətdikləri bu qətliam, amansızlıq və vəhşilik təkcə Azərbaycan xalqına deyil, bütün bəşəriyyətə qarşı yönəlmiş ən dəhşətli vandalizm aktıdır.

    Tədbirdə çıxış edən institut əməkdaşları tərəfindən diqqətə çatdırılıb ki, Хоcalı soyqırımı özünün siyasi-hüquqi qiymətini yalnız Ümummilli Lider Heydər Əliyev hakimiyyətə qayıtdıqdan sonra alıb və bundan sonra Azərbaycan reallıqlarının beynəlxalq ictimaiyyətə çatdırılması üzrə məqsədyönlü tədbirlər görülməyə başlanılıb. Bu gün dünya ictimaiyyətinin Xocalı həqiqətləri barədə məlumatlandırılması istiqamətində işlər davam etdirilir. Artıq bir sıra dövlətlər Xocalıda törədilən faciəni soyqırım kimi qəbul edib.

    Anım tədbirində institutun əməkdaşları Xocalı faciəsi ilə bağlı ürək sözlərini səsləndiriblər. Çıxış edənlər Xocalı soyqırımının Azərbaycan xalqının yaddaşına yazılan ən dəhşətli faciə olduğunu bildirib, günahkarların dünyaya tanıdılması istiqamətində səylərin birləşdirilməsinin vacibliyini vurğulayıblar.

    Sonda Xocalı faciəsi haqqında video çarx nümayiş olunub.



    XƏBƏR LENTİ

    24 Aprel 2024
    23 Aprel 2024
    22 Aprel 2024
    20 Aprel 2024
    19 Aprel 2024
    18 Aprel 2024