Dekabrın 1-4 tarixlərində 3-cü Dünya Alpaqut Çempionatı keçiriləcək.
Bu barədə Dünya Alpaqut Federasiyasından məlumat verilib.
Çempionat Türkiyənin Bursa şəhərində təşkil ediləcək. Yarışa 30 ölkənin qatılalacağı gözlənilir.
Dünya Alpaqut Federasiyasının prezidenti, millət vəkili Jalə Əhmədova yarışla bağlı öz fikirlərini bölüşüb:
"01-04 dekabr 2022-ci il tarixlərində keçiriləcək 3-cü Dünya Alpaqut Çempionatında Alpaqut Turan döyüş sənətinin sirli dünyası ilə tanış olacaqsız. 3-cü Dünya Alpaqut Çempionatında Siz həm də yeni dostlar qazana biləcəksiniz. Ümid edirik ki, rəqiblərin bu yarışda iştirakı xalqlar arasında dostluğu daha da gücləndirəcək və hər birimizin həyatında dərin iz buraxacaq. Əvvəlki sivilizasiyaların böhranlı tarixi proseslərində olduğu kimi, bəşəriyyəti idmanın xilas edəcəyindən əminik. Dünya Alpaqut Federasiyası öz ana xəttində məhz bu meyarları dəstəkləyir".
Qeyd edək ki, Alpaqut Turan Döyüş sənətini dünyada inkişaf etdirmək məqsədilə yaradılmış rəsmi beynəlxalq İdman təşkilatıdır. Alpaqut tarixi şərait baxmından böyük məsuliyyəti dərk edən və türk xalqlarının mədəni dünya görüşünü təmsil və təblig edən, milli döyüş ənənələrini inkişaf etdirən, xüsusilə qədim Türklərin ən yüksəkdə duran döyüş mədəniyyətini, muassir döyüş sənəti üzərində koonsepsiyalaşdıran, dərin fəlsəfi ideoloji mənası olan və sirli qalan bu döyüş mədəniyyətinin qlobal mədəniyyətə çıxışını təşkil edən, Turan döyüş sənətidir.