AzTU İstanbul Universiteti ilə əməkdaşlığa başladı

    ÖLKƏ

    24 Noyabr 2021 | 17:33

    Türkiyənin İstanbul Universitetinin rektoru Mustafa Ak Azərbaycan Texniki Universitetində (AzTU) keçirilən Nizami Gəncəvinin 880 illik yubileyinə həsr olunan doktorantların və gənc tədqiqatçıların XXIV respublika elmi konfransında iştirak etmək üçün ölkəmizdə səfərdə olub. Səfər çərçivəsində AzTU ilə İstanbul Universiteti arasında əməkdaşlıq haqqında protokolun imzalanması mərasimi keçirilib.

    Görüşdə AzTU-nun rektoru Vilayət Vəliyev, İstanbul Universitetinin rektoru Mahmut Ak və hər iki ali təhsil müəssisəsinin nümayəndələri iştirak edib. Görüş zamanı iki universitet arasında əməkdaşlığın perspektivləri və imzalanacaq protokolun nəticələri barədə fikir mübadiləsi aparılıb. Daha sonra hər iki ali təhsil müəssisəsi arasında əməkdaşlıq protokolu imzalanıb.

    Protokola əsasən, tərəflər tələbə və müəllim mübadiləsi, ikili diplom proqramları və birgə tədqiqat işlərinin həyata keçirilməsi, akademik və elmi sahələrdə tədrisdənkənar fəaliyyətlərin təşkili istiqamətində əməkdaşlıq edəcək.

    İmzalanma mərasiminin sonunda Mahmud Ak dəvətə görə Vilayət Vəliyevə təşəkkür edib.



    XƏBƏR LENTİ

    28 Mart 2024
    27 Mart 2024
    26 Mart 2024
    25 Mart 2024
    23 Mart 2024
    22 Mart 2024
    21 Mart 2024