Azərbaycanda istifadəçilər üçün mobil telefonların orijinallığını yoxlamaq imkanı yaradılıb

    ÖLKƏ

    02 Dekabr 2021 | 12:50

    Azərbaycanda Mobil Cihazların Qeydiyyat Sisteminin imei.az saytı üzərindən istifadəçilər üçün telefonların orijinallığını yoxlamaq imkanı yaradılıb.

    Pressa-nın əldə etdiyi məlumata görə, bunun üçün mobil telefonda *#06# qısa kodunu yığaraq cihazın IMEI kodunu dəqiqləşdirmək, daha sonra isə həmin kodu imei.az saytında “IMEI nömrəsini daxil edin” bölməsinə yazıb “yoxla” düyməsini sıxmaq lazımdır.

    Prosesi ardıcıllıqla yerinə yetirəndən sonra ekranda qısa bildiriş mətni əks olunur. Bu mətndə daxil edilən IMEI kodun saxta olub, olmadığı və həmin IMEI üzərində görünən cihaza qarşı hansısa məhdudiyyət varsa, bununla bağlı məlumat verilir.

    Sistem, həmçinin oğurlanmış və itirilmiş cihazları tapmağa da kömək edir.

    IMEI verilənlər bazasına oğurlanan telefonun kodu daxil edildikdən sonra itirilən telefonu tapmaq şansı artır.

    Hazırda xidmət üzərindən ən son modellər də daxil olmaqla bütün telefonların IMEI kodlarını yoxlamaq mümkündür.



    XƏBƏR LENTİ

    25 Yanvar 2022
    24 Yanvar 2022
    22 Yanvar 2022
    21 Yanvar 2022