Avrozonada illik inflyasiyanın noyabrda 4,9% olacağı gözlənilir ki, bu da əvvəlki ayla müqayisədə 0,8 faiz bəndi çoxdur və bazar gözləntilərindən xeyli yüksəkdir.
Pressa-nın məlumatına görə, bu barədə "Eurostat"ın dərc etdiyi ilkin hesabatda deyilir.
Qeyd olunur ki, bu cür inflyasiya əsasən enerji qiymətlərinin artımı hesabına olacaq. Belə ki, noyabrda enerji qiymətlərinin 27,4% artacağı proqnozlaşdırılır. Oktyabrda bahalaşma 23,7% olub.
Bundan başqa, noyabrda ödənişli xidmətlərin 2,7%, qeyri-enerji sənaye məhsullarının 2,2%, ərzaq məhsulları, alkoqol və tütün məhsullarının isə 2,2% bahalaşması gözlənilir.