AŞPA həmməruzəçiləri Azərbaycana səfər edəcək

    SON XƏBƏRLƏR

    02 Iyun 2023 | 12:29

    Avropa Şurası Parlament Assambleyasının (AŞPA) həmməruzəçiləri Azərbaycana səfər edəcək.

    Pressa xəbər verir ki, bu barədə AŞPA-nın mətbuat xidməti məlumat yayıb.

    Bildirilib ki, Azərbaycan üzrə həmməruzəçilər Yan Liddell-Qreyncer (Birləşmiş Krallıq, AK/DA) və Liz Kristofersen (Norveç, SOC) Azərbaycana faktaraşdırıcı səfər edəcəklər.

    İyunun 3-7-də Azərbaycanda səfərdə olacaq həmməruzəçilərin səfərinin məqsədi AŞPA-nın 2184 (2017) Qətnaməsinin qəbulundan sonra Avropa Şurası qarşısında Azərbaycanın öhdəliklərini yerinə yetirməsini qiymətləndirməkdir.

    Həmməruzəçilər Bakıda Prezident Administrasiyası, xarici işlər, daxili işlər, ədliyyə nazirləri, habelə ədliyyə orqanlarının nümayəndələri ilə görüşəcəklər. Parlamentdə spiker, parlamentdə təmsil olunan siyasi partiyaların rəhbərləri və Azərbaycanın AŞPA-dakı nümayəndə heyəti ilə də görüşlər keçiriləcək.

    Səfər zamanı onlar vətəndaş cəmiyyətinin nümayəndələri ilə də görüşəcəklər.



    XƏBƏR LENTİ

    18 Mart 2024
    17 Mart 2024
    16 Mart 2024
    15 Mart 2024
    14 Mart 2024
    13 Mart 2024
    12 Mart 2024
    11 Mart 2024