“Yunanıstanla bəzi problemlər var və təəssüf olsun ki, daxili siyasət naminə təxribatlar həyata keçirirlər, amma biz buna təmkinlə reaksiya veririk”.
Pressa-nın İstanbul müxbirinin verdiyi xəbərə görə, bu barədə Türkiyə milli müdafiə naziri Hulusi Akar Şırnaka səfəri çərçivəsində çıxışı zamanı deyib.
O qeyd edib ki, Yunanıstanda bəlli siyasətçilər ölkələrini pis qonşu siyasətinə çəkir, Türkiyə isə bütün problemlərin, həmçinin, Egey dənizindəki anlaşılmazlıqları danışıqlar yolu ilə həll edilməsinin tərəfdarıdır.
“Biz bunu hər fürsət olduqca deyirik. Lazımdırsa Türkiyəyə gəlsinlər, ya bizi dəvət etsinlər, gedək görüşək, problemləri həll edək. Türkiyə kimsə üçün təhdid, təhlükə deyil, güclü və etibarlı tərəfdaşdır”.